Á afgreiðslufundi skipulagsfulltrúa Vestmannaeyjabæjar var tekin fyrir – að lokinni grenndarkynningu – breyting á deiliskipulagi vegna niðurrifs byggingar við Skildingaveg 4.

Fram kemur í fundargerð að skipulagsráð hafi samþykkt á 392. fundi sínum að kynna tillögu að deiliskipulagsbreytingu vegna breytinga á skilmálum lóðar nr. 4 við Skildingaveg, í samræmi við skipulagslög. Breyt­ing­in fel­ur í sér að heim­ilt verð­ur að rífa alla matshluta á lóðinni og lóðin verði á eftir hluti af athafnasvæði Vestmannaeyjahafnar.

Fram kemur að jákvæð umsögn hafi borist frá Minjastofnun Íslands. Ennfremur segir að sngar efnislegar athugasemdir hafi borist.

Fram kemur í deiliskipulagsuppdrætti að vegna breyttra aðstæðna og aukinna umsvifa vöru- og farþegaflutninga til og frá Vestmannaeyjum með Herjólfi er þörf fyrir að stækka athafnasvæði í kringum ferjuna. Skipulagsbreyting þessi felur í sér að rífa húsnæði sem nú standa í nálægð við bílainngang ferjunnar og gera þar ráð fyrir bílastæði fyrir stór ökutæki og vöruflutningavagna.

Í niðurstöðu segir að þar sem eng­ar at­huga­semd­ir hafi borist við til­lög­una, með vís­an í skipu­lagslög og afgreiðsluheimildir skipulagsfulltrúa, skoð­ast til­lag­an sam­þykkt.