Hafrannsóknastofnun leggur til að upphafskvóti í loðnu fyrir veturinn verði 260 þúsund tonn. Nýafstaðnar mælingar Hafrannsóknastofnunar benda til þess að að hrygningarstofn loðnu verði um 660 þúsund tonn á hrygningartíma verði ekkert veitt. Samkvæmt aflareglu er gert ráð fyrir að skilja eftir 400 þúsund tonn til hrygningar en haustmælingar á loðnustofninum fór fram á rannsóknarskipinu Árna Friðrikssyni dagana 16. september til 10. október. Rannsóknasvæðið náði frá landgrunninum við austur Grænland í vestri og suður með landgrunnskantinum, auk þess til Grænlandssunds og Norðurmiða, allt austur að Sléttu, eins og segir á vef Hafrannsóknastofnunar.

Í Morgunblaðinu í dag kemur fram að samkvæmt spálíkani stofnunarinnar gáfu mælingar á ungloðnu í fyrrahaust væntingar um að upphafskvóti á loðnu í vetur yrði 450 þúsund tonn. Spálíkanið er hins vegar ekki viðurkennt af Alþjóðahafrannsóknastofnuninni. �??�?ví var upphafsaflamark vertíðarinnar 50% af spáðu aflamarki eða 225 þúsund tonn. Niðurstaðan er eins og áður sagði 260 þúsund tonn, 190 þúsund tonnum minna en vonir stóðu til, en 35 þúsund tonnum meira en var í upphafsaflamarki,�?? segir í Morgunblaðinu.