Þrátt fyrir ungan aldur hefur hin 16 ára gamla Edda Björk Guðnadóttir þegar skapað sér nafn í rallýcrossi á Íslandi. Undanfarin ár hefur hún lagt ómælda vinnu í akstursíþróttina, þar sem metnaður, þrautseigja og fjölskyldusamstaða skipta sköpum.

Í nýju myndbandi Eyjafrétta ræðir Halldór B. Halldórsson við Eddu Björk og föður hennar, Guðna Grímsson, um hvernig áhuginn kviknaði, undirbúninginn fyrir keppnir og hvað þarf til að ná árangri í jafn krefjandi íþrótt og rallýcrossi. Þar fá áhorfendur jafnframt innsýn í það öfluga bakland sem stendur að baki ungum keppanda sem stefnir sífellt hærra.