Herjólfur siglir til Landeyjahafnar í dag samkvæmt áætlun, segir í tilkynningu frá Herjólfi ohf. Þar segir enn fremur að brottför frá Vestmannaeyjum verði kl. 14:30, 17:00, 19:30 og 22:00, og frá Landeyjahöfn kl. 15:45, 18:15, 20:45 og 23:15.

Á morgun, laugardag, er stefnt á að sigla einnig til Landeyjahafnar samkvæmt áætlun og þar til annað verður tilkynnt. Hins vegar bendir veðurspá til hækkandi ölduhæðar á sunnudag. Uppfærð tilkynning verður gefin út á laugardag eða í síðasta lagi fyrir kl. 06:00 á sunnudagsmorgni.