Nauðsynlegt að endurnýja flotann
Fannar í ríki sínu, vélarúminu þar sem hvergi er olíublett að sjá.

„Hér er vélgæslukerfi og hægt að sjá og stýra flestum kerfum skipsins. Við getum kveikt ljós á dekkinu með þessum skjá ef því er að skipta. Sett aðalvél í gang og fylgst með öllu, RSW-kælikerfið er hérna líka en þegar við erum að dæla inn fiski erum við uppi í dekkhúsi þar sem við erum með samskonar skjái,“ segir Fannar Veigar, yfirvélstjóri á Heimaey VE. Við erum staddir í stjórnklefa vélarrúmsins þaðan sem öllu er stjórnað. Fannar er 43 ára og segir hann margt hafa breyst frá því hann byrjaði til sjós.

„Ég byrjaði 16 ára og það hefur orðið risastökk síðan um aldamót. Skipin orðin stærri og meiri og sem dæmi, þegar fyrri Heimaey kom 2012 þótti hún mikið skip en þykir ekki í dag. Hérna erum við með í höndunum miklu nútímalegra skip.“ Fannar segir muninn ekki endilega liggja í vélarafli. Gamla Heimaey var líka öflugt skip. En munurinn er að þetta er nýrra með nútímalegri búnaði, t.d það sem kallast Power Management System , sem stjórnar öllu rafmagnskerfi og tryggir að það sé öruggt og skilvirkt.“

Aðalvélin er Wärtsila 5.220 kW og þrjár 550 kw ljósavélar og ein 150 kW. „Taflan sér um þetta allt. Við bryggju er kerfið á sjálfstýringu og ef vantar að koma inn vél gerist það sjálfkrafa. Ef alvarleg bilun verður í aðalvél sér svokallaður PTI búnaður um að við getum siglt í land á ljósavélunum. Þetta var ekki í gömlu Heimaey. Allur búnaður er nútímalegri og það er gaman að takast á við það. Það er mikil vinna framundan að læra. Koma skikki á bókhald og viðhald á skipinu sem var kannski ábótavant hjá Skotunum. Þeirra rekstrarkerfi er öðruvísi en þegar það verður komið í lag verður þetta fínt.“

Í deild með stóru strákunum

Fannar sýnir blaðamanni vélarúmið þar sem hvergi er olíublett að sjá. „Þetta er aðalvél, gír og ásrafall, allt er þetta uppfærsla frá fyrri Heimaey. Öflugri búnaður í skipi og á dekki. Dælt er úr trolli að aftan ekki síðu. Skipið ber meira, með öflugri kælingu og allt stærra og öflugra. Það er nauðsynlegt að endurnýja flotann. Vélar verða hagkvæmari í rekstri, kælikerfin öflugri til að mæta meiri kröfum um gæði fisks. Þetta færðu með nýrri skipum og nú erum við komnir í deild með stóru strákunum,“ sagði Fannar að endingu.

Nýjustu fréttir

Íþróttir
Dramatískur sigur ÍBV á Haukum
Íþróttir
Stórsigur ÍBV á Akureyri
Íþróttir
Lengjubikarinn hófst í dag hjá ÍBV
Myndband
Bongóblíða í Eyjum
Herjólfur
Siglt á flóði til Landeyjahafnar
Úr blaði Eyjafrétta
Hildur Sólveig sjúkraþjálfari: ,,Best að taka eitt skref í einu”
Myndband
Svona hefð og svona stund styrkir samfélagið
Fréttir
Bæjareign við Ægisgötu sett í sölu
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.