Nóg um að vera framundan

Eyjafréttir
·
Áhugavert
·
26. nóvember 2024

Nóg er um að vera hér í Eyjum á næstu dögum og vikum nú þegar jólin fara að nálgast. Viðburðir, afsláttardagar og skemmtanir eru á dagskrá og ættu allir að geta fundið eitthvað við sitt hæfi. Hér er yfirlit yfir það helsta sem er fram undan er.

35 ára afmæli Flamingo – 27. Nóvember

Tískuvöruverslunin Flamingo fagnar 35 ára afmæli þann 27. nóvember. Boðið verður upp á 35% afslátt af öllum vörum milli kl. 19-22. Frábært tækifæri til að versla jólagjafirnar ásamt því að næla sér í fallegar flíkur fyrir hátíðirnar.

Svartur föstudagur – 29. nóvember

Næstkomandi föstudaginn verður haldið upp á Svartan föstudag um land allt, sem og hér í Eyjum. Þá munu verslanir bjóða upp á frábæra afslætti og tilboð, og því fullkomið tækifæri til að tryggja jólagjafirnar á góðu verði og komast í alvöru jólaskap í leiðinni.

Kveikt á jólaljósunum – 29. nóvember

Aðventan hefst formlega þegar kveikt verður á jólaljósunum á Stakkagerðistúni föstudaginn 29. Nóvember kl. 17:00. Lúðrasveit Vestmannaeyja mun leika nokkur lög og Litlu lærisveinar munu syngja undir stjórn Kitty Kovács. Erlingur Guðbjörnsson, formaður framkvæmda- og hafnarráðs, og Guðmundur prestur munu segja nokkur orð, og mun Mónika Hrund Friðriksdóttir svo tendra ljósin á trénu. Börn og fullorðnir eru hvattir til að mæta og taka þátt.

Beer Pong í Höllinni – 30. Nóvember

Boðið verður upp á Beer Pong mót í höllinni þann 30. Nóvember. Frábært tækifæri til að koma saman með vinum, skemmta sér og taka þátt í keppni sem lofar góðri stemningu. Dj Svaníel sér um tónlistina. Húsið opnar kl. 20 og frítt er inn.

Jólatónleikar með Jónsa í Svörtum fötum ásamt eyjafólki – 6. desember

Haldnir verða jólatónleikar í fyrsta sinn í Höllinni föstudaginn 6. desember, fram koma Jónsi í Svörtum fötum ásamt hæfileikaríka eyjafólkinu Guðjóni Smára, Eló, Tóta, Unu, Söru og Sæþóri Vidó, við undirleik Gosanna. Húsið opnar kl. 20:00 og munu tónleikar hefjast kl. 21:00.

Jólahlaðborð Hallarinnar og Einsa Kalda – 7. desember

Höllin og Einsi kaldi halda sitt árlega jólahlaðborð laugardaginn 7. desember. Þá gefst bæjarbúum tækifæri á að njóta dásamlegs matar í góðum félagsskap, með hátíðlegri stemningu í loftinu.

Jólasýning fimleikafélagsins Rán – 8. desember

Fimleikafélagið Rán verður með sýna árlegu jólasýningu sunnudaginn 8. desember og býður bæjarbúum hjartanlega velkomna á hana, þar sem afrakstur vetrarins verður sýndur. Sýningin hefst kl 14:00.

Nýjustu fréttir

Stjórnmál

Spurt og svarað: Erlingur frá Eyjalistanum

Íþróttir

Sandra náði áfanga með íslenska landsliðinu

Sjávarútvegur

Með fullfermi eftir örstutta túra

Fréttir

Friðrik Dór mætir á Þjóðhátíð

Fréttaskýring

Vestmannaeyjar í gegnum linsu liðins tíma

Aðsent

40 ára aldursmunur á vinningshöfum

Aðsend grein

Hvert viljum við stefna?

Stjórnmál

Margrét Rós: „Ég er hvorki í fýlu né lít á mig sem tapara“

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki