Fyrir nokkrum mánuðum gekk Ísfélag Vestmannaeyja inn í kaup á uppsjávarskipi sem er í smíðum í Celiktarans skipasmíðastöðinni í Istanbul í Tyrklandi. Skipið er 80 metra langt og 17 metra breitt og verður afar vel búið til veiða á uppsjávarfiski s.s. loðnu, síld, makríl og kolmunna. Kælitankar skipsins eru 2.970 rúmmetrar þannig að burðargeta skipsins er mikil og styður vel við öfluga landvinnslu félagsins í Vestmannaeyjum og á �?órshöfn. Á facebooksíðu áhafnarinnar á Heimaey VE 1 segir Svanur Gunnsteinsson, yfirvélstjóri þar um borð að hann hætti á Heimaey og flytur sig yfir á nýja skip Ísfélagsins sem yfirvélstjóri þegar skipið kemur í vor. Myndin af skipinu sem hér fylgir er tekin af heimasíðu Heimaeyjar VE 1.