Haustið er komið með sínum lægðum og tilheyrandi. Fjárbændur hafa smalað sínu fé úr úteyjum og á heimalandinu. Herjólfur kom til Eyja í gær eftir slipptöku í Svíþjóð, stelpurnar í fótboltanum léku sinn síðasta leik í Íslandsmótinu og síðasti heimaleikur karlaliðsins í fótbolta er í dag. Halldór Benedikt rölti um eyjuna í gær og myndaði það sem fyrir augu bar. Hann leit meðal annars við í Dalabúinu hjá fjárbóndanum þar, Gísla �?skarssyni og hans fjölskyldu. Tónlistin sem leikin er með myndbandinu er sungin af kiwanisfélögunum Adda Bald, �?la Sveinbjörns og Herði á Andvara, sem allir eru látnir, og Bedda á Glófaxa. Og það er Lalli (�?lafur Aðalsteinsson) sem leikur undir á hljómborð.