Það verður að teljast með ólíkindum að ÍBV-íþróttafélag sé á leið í úrslit með bæði karla- og kvennalið í handbolta. Konurnar tryggðu sér sæti í úrslitunum í gær þegar þær sigruðu Hauka. Í kvöld var komið að körlunum sem sigruðu FH þriðja leik undanúrslitanna 31:29. Báðir hörkuleikir þar sem úrslitin réðust í framlengingu.

„Það er alltaf frá­bært þegar svona flott ein­vígi eru spiluð. Þetta er samt ekk­ert nýtt, ég var í fjög­urra liða úr­slit­um hérna og við slóg­um aðsókn­ar­met 1991 sem var frá­bært þó við höf­um tapað, það var eft­ir­minni­leg­ur leik­ur. Þetta er eins með hand­bolt­ann og körfu­bolt­ann, þetta er mik­il skemmt­un og virki­lega gam­an að fólk sé að taka þátt í þessu með okk­ur,“ sagði Erlingur Richardsson í viðtali við mbl.is í kvöld. Já, bæði karlar og konur hafa fólkið með sér og stuðningurinn mun fleyta þeim langt þegar í úrslitin er komið.

Kári Kristján, sem sjaldan hefur verið öflugri var markahæstur Eyjamanna með 9 mörk, Rúnar 5, Dagur 5, Gabríel 5, Arnór 3 og Janus 2.

Petar varði 8 skot og Pavel 6.

Hvítu riddararnir hafa sett svip sinn á leiki ÍBV svo um munar.

Mynd Sigfús Gunnar.