Björgunarstarf ungmenna í Vestmannaeyjum þegar kemur að því að bjarga lundapysjum á haustin á sér örugglega fá dæmi í heiminum.

Pysjueftirlitið hefur frá árinu 2003 verið starfrækt í Vestmannaeyjum. Árin á undan höfðu óvenju fáar pysjur verið að fljúga í bæinn og áhugi var fyrir því að skoða þessa þróun nánar. Markmið pysjueftirlitsins er að meta ástand og fjölda þeirra pysja sem lenda í bænum ár.

Erpur Snær, forstöðumaður Náttúrustofu Suðurlands sem stendur að Pysjueftirlitinu ásamt fleirum í Þekkingarsetri Vestmannaeyja segir á Fésbókarsíðu sinni að nú sé Pysjueftirlitið til umfjöllunar í forsíðugrein í bandaríska tímaritinu, Smithsonian Magazine. Þar er sagt frá rannsóknum þeirra og pysjubjörgun í Eyjum.