Pysjurnar vel á sig komnar og óvenju margar

Eyjafréttir
·
Áhugavert
·
29. september 2024

Pysjutímabilið í ár stóð frá ágúst og fram i september sem er hinn hefðbundni tími. Pysjurnar voru vel á sig komnar sem staðfesti frásagnir lundakarla um að mikið hefði verið um sílisfugl seinni hluta sumars. Síli er aðalfæða lundans og samkvæmt Hafró eru mörg ár síðan jafnmikið hefur fundist af því við Suðurströndina. Pysjueftirlitið, sem hefur starfað frá árinu 2003 fékk til sín upplýsingar um 4238 pysjur í ár en trúlega hefur mun fleiri verið bjargað og komið í sjóinn.

Á undanförnum árum hefur verið mikill pysjudauði og tímabilið oft seinna en venja er. Ástæðan var að sílið vantaði og lundinn varð að sækja mun lengra í æti. Í eðlilegu árferði byrjar pysjan að hugsa sér til hreyfings úr holum seinnihluta ágúst og byrjun september. Flestar taka flugið á haf út en pysjur í fjöllunum í kringum bæinn fljúga á ljósin og lenda ýmist í bænum eða í höfninni.

Þá kemur til kasta björgunarsveitanna, krakka á öllum aldri sem flykkjast út í leit að pysjum til að bjarga. Þeim er safnað í kassa og daginn eftir er farið inn á Eiði, austur á hraun, suður í Klauf eða vestur á Hamar til að sleppa þeim á haf út.

Allt að 10.000 pysjur

Hlutverk Pysjueftirlitsins frá upphafi hefur verið að meta ástand og fjölda þeirra pysja sem lenda í bænum ár hvert. Árin á undan höfðu þær verið óvenju fáar og áhugi að skoða þróunina nánar.

Í ár voru skráðar 4238 pysjur og 1487 vigtaðar. Meðalþyngd var 308 grömm sem telst gott. Sú þyngsta var 500 gr. og sú léttasta 116 gr. Þessar upplýsingar er að finna á heimasíðu Pysjueftirlitsins sem er undir hatti Þekkingarsetursins.

„Það er ánægjulegt að nú virðist lundastofninn í Vestmannaeyjum vera að ná sér á strik,“ sagði Hörður Baldvinsson, framkvæmdastjóri Þekkingarsetursins. „Þetta er með því mesta sem komið hefur inn á borð hjá okkur. Við vitum að ferðamenn sem koma hingað til að taka þátt í pysjubjörgunni og fleiri láta okkur ekki vita. Þannig að við áætlum að allt að 10.000 pysjum hafi verið bjargað í Vestmannaeyjum þetta árið.“

Gert klárt fyrir sleppingu suður í Klauf.

Nýjustu fréttir

Áhugavert

FÍV meðal bestu vinnustaða landsins – þriðja viðurkenning skólans fyrir árið 2025

Íþróttir

Elliði Snær í liði umferðarinnar í þýsku deildinni

Íþróttir

Morgan Goði stal senunni í sigri ÍBV á Aftureldingu

Fréttir

Fyrsti snjór ársins loksins fallinn í Eyjum

Myndband

Vestmannaeyjar fyrri tíma lifna við í Sagnheimum

Íþróttir

Liam Daði gengur til liðs við ÍBV

Sjávarútvegur

Horfa til úthafseldis vestur af Vestmannaeyjum

Sjávarútvegur

Loðnuvertíð í hámarki

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki