Eyjakonan og leikmaður ÍBV, Sandra Erlingsdóttir, náði stórum áfanga með íslenska landsliðinu í handbolta, í leiknum gegn Færeyjum síðastliðinn miðvikudag, í undankeppni EM 2026. Hún varð sú fjórtánda til þess að skora 200 mörk fyrir íslenska landsliðið en hún skoraði sjö mörk í tapleiknum gegn Færeyjum, sex þeirra komu af vítapunktinum. Hún hefur nú skorað 200 mörk í 48 landsleikjum. Handbolti.is greinir frá þessu.

Sandra og stöllur hennar í íslenska landsliðinu mæta Portúgal í hreinum úrslitaleik um þriðja sætið í riðli fjögur, í undankeppni EM kvenna í handbolta á sunnudaginn kl. 16:00. Fyrir leikinn er Portúgal í þriðja sæti riðilsins með fjögur stig en Ísland í neðsta sætinu með tvö stig.

Markahæstu leikmenn íslenska landsliðsins í handbolta:

Hrafnhildur Ósk Skúladóttir  – 620 mörk

Hanna Guðrún Stefánsdóttir  – 458 mörk

Þórey Rósa Stefánsdóttir – 413 mörk

Guðríður Guðjónsdóttir – 372 mörk

Karen Knútsdóttir – 371 mörk

Rakel Dögg Sigmarsdóttir – 304 mörk

Arna Sif Pálsdóttir –  282 mörk

Dagný Skúladóttir –  274 mörk

Halla María Helgadóttir – 273 mörk

Rut Arnfjörð Jónsdóttir – 249 mörk

Thea Imani Sturludóttir – 224 mörk

Anna Úrsúla Guðmundsdóttir – 224 mörk

Stella Sigurðardóttir – 205 mörk

Sandra Erlingsdóttir – 200 mörk