Eyjamaðurinn Arnar Pétursson stýrði Íslenska kvennalandsliðið í handbolta til sigurs, 28-27, gegn Svartfjallaland í þriðju umferð undankeppni EM 2026, á Ásvöllum í kvöld. Ísland er nú með tvö stig í 2.-4. sæti í riðli fjögur og Svartfjallaland fjögur stig á toppnum. 

Jafnræði var með liðunum í fyrri hálfleik en staðan í hálfleik var 13-13. Sandra Erlingsdóttir náði að jafna leikinn fyrir Ísland úr vítaskoti, áður en flautað var til hálfleiks

Ísland leiddi framan af í seinni hálfleik en þó bara með einu marki. Íslenska liðið náði þriggja marka forskoti þegar stundarfjórðungur var eftir af leiknum. Lokamínúturnar voru spennandi en Ísland náði að landa gríðarlega mikilvægum sigri. Lokatölur 28-27.

Eyjakonurnar í liði Íslands komust báðar á blað í leiknum. Fyrirliðinn Sandra Erlingsdóttir skoraði sjö mörk úr sjö skotum og Elísa Elíasdóttir eitt mark. 

Mörk Íslands: Elín Klara Þorkelsdóttir 12 mörk, Sandra Erlingsdóttir 7, Dana Björg Guðmundsdóttir 3, Lovísa Thompson 2, Elín Rósa Magnúsdóttir 2, Elísa Elíasdóttir 1, Katrín Anna Ásmundsdóttir.

Seinni leikur Íslands gegn Svartfjallalandi fer fram 8. mars, ytra kl. 16:50.