Sighvatur Jónsson, fréttaritari RÚV í Vestmannaeyjum slapp með skrekkinn þegar hann var að mynda björgunarsveitarmenn að störfum á Hásteinsvelli þar sem auglýsingaskilti voru að fjúka í rokinu í dag. Á einum tímapunkti fauk auglýsingaskilti á Sighvat þegar hann var að mynda en sauma þurfti sex spor til að loka skurði á höfði fréttaritarans. Auk þess skemmdist myndavél Sighvatar en upptöku á þessu má finna á vef RÚV þar sem greint er frá atvikinu.