- Eyjafréttir
- ·
- Fréttir
- ·
Sindri VE 60 farinn til veiða fyrir Vinnslustöðina
Páll Pálsson ÍS-102 hefur skipt um lit og nafn og heitir nú Sindri VE-60. Vinnslustöðin keypti togarann af HG í Hnífsdal og er honum ætlað að fylla skarð Gullbergs VE sem var afhent nýjum eigendum um mánaðarmótin.
Vinnslustöðin er með nýjan ísfisktogara, Breka VE, í smíðum í Kína en dregist hefur að ljúka frágangi og afhenda skipið og systurskip þess, Pál Pálsson ÍS, sem HG í Hnífsdal á. Reiknað er nú með að Breki og Páll komi til heimahafna í haust og Sindri VE brúar líka bil sem myndast hjá VSV vegna tafa á heimkomu Breka.
Skipsnafnið Sindri á sér langa og farsæla sögu hjá Vinnslustöðinni og fyrirtækjum henni tengdri. Fiskiðjan gerði út bát með þessu nafni frá sjötta áratugnum til þess áttunda en frá 1977 átti Fiskimjölsverksmiðjan og síðar Vinnslustöðin togara sem Sindri hét og gerði út fram á tíunda áratug síðustu aldar.
Af vsv.is en myndina tók �?skar Pétur þegar Sindri hélt í sína fyrstu veiðiferð fyrir Vinnslustööðina.
