- Eyjafréttir
- ·
- Fréttir
- ·
Sjáðu myndirnar frá Goslokunum
Goslokahátíðin 2014 tókst afar vel til þrátt fyrir að veðurguðirnir hafi aðeins verið að stríða Eyjamönnum og gestum þeirra. Samkvæmt upplýsingum hjá lögreglu fóru hátíðahöldin að langmestu leyti vel fram og engin alvarleg mál komu upp á hátíðinni. Elliði Vignisson, bæjarstjóri ritaði grein sem birtist í Eyjafréttum en þar þakkar hann m.a. öllum þeim fjölmörgu sem leggja hönd á plóg við að gera Goslokahátíðina að veruleika. �??Hátíð sem þessi verður hins vegar ekki til úr engu. Á bak við hana er mikill fjöldi heimamanna sem gefur vinnu sína, lánar eigur sínar og leggur margs konar lykkjur á leið sína til að hægt sé að gera þennan viðburð að veruleika. Sérstaklega reyndi á slíkt núna um helgina þegar slæmt veður setti strik í reikninginn. �?á voru það velviljaðir Eyjamenn sem komu til bjargar og sáu til þess að ekki færi illa. Á sama hátt hafa eigendur króa, veitingamenn, fyrirtækjaeigendur, listamenn, starfsmenn Vestmanna-eyjabæjar og fleiri verið ósparir á aðstoð,�?? skrifar Elliði og bætti því við að það væru ómetanleg forréttindi fyrir bæjarfélagið að hafa aðgang að fólki sem bæði leggur á sig vinnu og lánar eigur sínar af heilum hug og ætlast ekki til neins á móti.
Dagskrá hátíðarinnar var með fjölbreyttara móti en fyrsti dagskrárliðurinn var á fimmtudegi og sá síðasti á sunnudagskvöld. Haldnar voru 5 myndlistasýningar, 16 tónleikar eða tónlistarviðburðir, 2 íþróttaviðburðir, barnaskemmtun, leiksýning, tískusýning, ljósmyndasýning, söguskoðun, fjallaferðir og náttúruskoðun, bryggjuveiðimót og útimessa eins og fram kemur í grein bæjarstjórans. �??�?á voru veitingahúsin með alls konar tilboð og nýbreytni í sinni þjónustu og Sparisjóður Vestmannaeyja hélt sinn árlega Sparisjóðsdag, auk ýmissa annarra uppákoma. �?átttaka í öllum þessum viðburðum var afar góð enda mikið fjölmenni gesta í bænum í tilefni goslokahátíðarinnar.�??
Ljósmyndarar Eyjafrétta voru að sjálfsögðu á staðnum og mynduðu það sem fyrir augu bar.
