Mikil gleði og líf var í Sea Life Beluga Whale Sanctuary í gær, laugardaginn 14. febrúar, þegar opnunarhátíð safnsins fór fram. Fjölmargir gestir lögðu leið sína á staðinn til að taka þátt í hátíðarhöldunum og kynna sér starfsemina.

Boðið var upp á fjölbreytta afþreyingu fyrir gesti á öllum aldri og á milli klukkan 13:00 og 15:00 var opinn markaður þar sem nokkrar verslanir í Eyjum buðu upp á sölubása. Stemningin var góð og fjölskyldur nutu þess að verja deginum saman við þetta nýja og áhugaverða aðdráttarafl.

Hátíðarhöldunum lýkur ekki með deginum í gær því í dag, 15. febrúar, verður einnig opið frá klukkan 11:00 til 16:00. Aðgangur er ókeypis og því kjörið tækifæri fyrir þá sem ekki komust í gær að líta við og upplifa svæðið. Myndasyrpu frá opnunarhátíðinni má sjá hér að neðan.