Sýn­ing­in Sjáv­ar­út­veg­ur 2025 / Ice­land Fis­hing Expo verður hald­in í fjórða sinn 10.–12. sept­em­ber í Laug­ar­dals­höll en það er sýn­ing­ar­fyr­ir­tækið Rit­sýn sem stend­ur að sýn­ing­unni. Fram kemur í frétta­til­kynn­ingu sem Rit­sýn sendi frá sér að sýn­ing­in verði sú stærsta til þessa en sýn­ing­ar­hald­ar­ar finna þegar fyr­ir mikl­um áhuga, bæði hér á landi og er­lend­is frá.

Ólafur M. Jóhannesson er framkvæmdastjóri sýningarinnar. „Sýningin stækkar með hverju árinu of fyllir nú öll sýningarsvæði Laugardalshallar. Sýningin er að þessu sinni afar fjölbreytt og áhugaverð.  Á sýningunni eru allar tegundir af fyrirtækjum er þjóna íslenskum sjávarútvegi. Gestir koma til með að sjá allt það nýjasta í hátækniútbúnaði er tengist fiskvinnslu og útgerð. Þá er mikið af nýjum fyrirtækjum að koma inn  með sýningarbása og  ber meðal annars að nefna fyrirtæki sem þjóna fiskeldinu bæði á sjó og landi.

Sýningin hefur einnig verið afar ánægjulegur mótstaður þeirra er koma að eða hafa áhuga. Á síðustu sýningu 2022 komu um fjörutíu þúsund gestir alls staðar að af landinu. Við búumst líka við miklum fjölda í ár og einnig finnum við fyrir auknum áhuga erlendra aðila víða um heim,“ segir Ólafur.

Sjávarútvegssýningin er opin frá kl. 14 til 19 á miðvikudag 10. september og frá kl. 10-18 á fimmtudag og föstudag 11. og 12. september. Nán­ari upp­lýs­ing­ar er að finna á heimasíðu sýn­ing­ar­inn­ar.