Landsmenn halda sjómannadaginn hátíðlegan í dag, sunnudag. Í Vestmannaeyjum hefst dagskráin klukkan 13.00 á sjómannamessu.

13.00 Sjómannamessa í Landakirkju.
Séra Guðmundur Örn predikar og þjónar fyrir altari. Eftir messu verður minningarathöfn við minnisvarða hrapaðra og drukknaðra. Lúðrasveit Vestmannaeyja leikur nokkur lög og Drengjakór Reykjavíkur syngur. Blómsveigur lagður að minnisvarðanum. Guðni Hjálmarsson stjórnar athöfninni. Að lokinni athöfn býður Drengjakór Reykjavíkur uppá fría 30 mín. tónleika í Landakirkju.

14-17 Eykyndilskaffi í Akóges

14-18 Myndlistasýning í Akóges
Viðar Breiðfjörð og Andrea Fáfnis Ólafs sína málverk sín í Akóges.

15.00  Hátíðardagskrá á Stakkó
Lúðrasveit Vestmannaeyja leikur undir stjórn Jarls Sigurgeirssonar. Heiðraðir aldnir sægarpar. Valmundur Valmundsson stjórnar. Karlakór Vestmannaeyja flytur nokkur lög undir stjórn Matthíasar Harðarsonar. Ræðumaður Sjómannadagsins er Gísli Matthías Sigmarsson. Verðlaunaafhending fyrir keppnir helgar­innar, Fimleikafélagið Rán, hoppukastalar og popp.