Atkvæðagreiðslu um kjarasamninginn milli Sjómannasambands Íslands og Samtaka fyrirtækja í sjávarútvegi sem undirritaður var þann 6. febrúar síðastliðinn lauk kl. 15:00 í dag. Á kjörskrá voru 1104 og greiddu 592 atkvæði um samninginn eða 53,62%. Niðurstaðan er að af þeim sem kusu sögðu 367 já eða 61,99%, 217 sögðu nei  eða 36,66% og auðir og ógildir seðlar voru 8 eða 1,35%. Af þeim sem tóku afstöðu sögðu 62,84% já og 37,16% sögðu nei.  Samningurinn var því samþykktur.

„Núna eru sjó­menn inn­an SSÍ komn­ir með al­vöru kjara­samn­ing eft­ir erfiða fæðingu. Sá samn­ing­ur sem felld­ur var fyr­ir ári síðan er grunn­ur­inn að þess­um nýja samn­ingi. Við bætt­um við og lag­færðum það sem sjó­menn gagn­rýndu hvað mest í þeim samn­ingi. Ég er stolt­ur af mín­um fé­lags­mönn­um inn­an Sjó­manna­sam­bands­ins að samþykkja samn­ing­inn,“ seg­ir Val­mund­ur Val­mund­ar­son, formaður Sjó­manna­sam­bands Íslands í samtali við mbl.is.

„Loks­ins er gert upp úr 100% afla­verðmæti. Loks­ins geta sjó­menn sagt að þeirra hlut­ur í ol­íu­kostnaði sé í burtu. Nú geta sjó­menn sótt hækk­un beint á skipta­pró­sentu ef þurfa þykir með grein 1.39.1. Loks­ins koma hækk­an­ir á kaup­trygg­ingu og kaupliðum eins og ger­ist á al­menna markaðnum. Loks­ins fá sjó­menn des­em­ber upp­bót árið 2028,“ seg­ir enn­frem­ur á mbl.is.

Mynd: Valmundur í ræðustól á Sjómannadaginn í Vestmannaeyjum.