Skákþing Vestmannaeyja hefst sunnudaginn 28. janúar, þar sem teflt er um titilinn Skákmeistari Vestmannaeyja 2024.

Skákþingið fer fram árlega og hefur verið haldið nær óslitið í 98 ár. Öllum er heimil þátttaka, en tefldar verða kappskákir 60 mínútur og 30 sekúndur fyrir hvern leik. Teflt verður tvisvar í viku á sunnudögum og fimmtudögum og er gert ráð fyrir að frestuðum og ótefldum skákum sé lokið þess á milli á þriðjudögum.

Skráning stendur yfir og skulu áhugasamir hafa samband við ritara Taflfélagsins Sæmund í síma 611 2284. Teflt verður í húsnæði félagsins að Heiðarvegi 6, segir í tilkynningu frá Taflfélagi Vestmannaeyja.