Skannað og skundað í Krónunni í Eyjum

„Ég er virkilega ánægður að geta nú boðið viðskiptavinum Sannað og skundað-þjónustuna hér í Eyjum,“ segir Ólafur Björgvin Jóhannesson, verslunarstjóri Krónunnar. Frá og með 13. október verður í boði að greiða með appinu í versluninni.

 

„Varan beint ofan í pokann og út. Hér verður starfsmaður hjá okkur sem býður viðskiptavinum okkar að prófa og kennir þeim að nota appið. Sjálfur er ég með sex mánaða son og hef ekki mikla trú á að hann alist upp við beltakassa í verslunum í framtíðinni,“ segir Ólafur Björgvin sem hefur verið verslunarstjóri í Krónunni í Eyjum síðustu tvö ár.

 

Guðrún Aðalsteinsdóttir, framkvæmdastjóri Krónunnar, segir þau hjá Krónunni stolt af því að vera fyrst til að kynna þessa verslunarleið hér á landi. „Það er alveg ný upplifun að skanna vörurnar beint í pokann. Þetta er einföld og skemmtileg leið til að versla,“ segir hún.

 

„Viðskiptavinir okkar spara bæði tíma sinn og fyrirhöfn með appinu. Það er sérlega hentugt þegar skjótast þarf í búðina en við sjáum einnig að þeir sem hafa prófað kjósa þessa leið í ríkari mæli, líka fyrir stóru innkaupin.“ Krónan stefni á að þróa þjónustuna ennfrekar. „Við erum alltaf að leita leiða til að bæta lífsgæði fólks, bæði við innkaupin og í vöruúrvali.“

 

Ólafur Björgvin segir að hann stefni á að fá fólk til að prófa. „Já, því appið er gargandi snilld sem leitt er að fara á mis við,“ segir Ólafur Björgvin sem er fæddur og uppalinn Eyjamaður og fékk vinnu uppi á landi í starfsþjálfun þegar hann sótti fyrst um verslunarstjórastöðuna hjá Krónunni.

 

„Ég átti að vera stutt í bænum að læra en sumir eru lengur að læra en aðrir,“ segir hann og hlær enda tvö ár liðin. „Nei, ég átti þar gott líf, kynntist konunni minni sem einnig er af landsbyggðinni eins og ég, en hún er af Króknum. Hún flutti með mér þegar ég svo tók við starfinu sem ég sótti upphaflega um.“

 

Hægt er að Skanna og skunda með appinu Krónan – Snjallverslun. Viðskiptavinir geta þar skannað vörur beint ofan í pokann um leið og þeir ganga um verslunina, greiða og ganga út. „Það er einfaldlega frábært að þurfa ekki að bíða í röð,“ segir Ólafur Björgvin.

 

Hvernig nota ég Skannað og skundað?

Pssst..hér er stutt skýringarmyndband fyrir Skannað og skundað, sem er ný lausn í Snjallverslunar appinu okkar. Verslaðu vörur með því að skanna þær úr hillu og setja beint í körfuna þína, jú eða bara beint í pokann.

www.youtube.com

Nýjustu fréttir

Íþróttir
Laskað lið ÍBV tapaði gegn Val
Aðsent
Athugasemd
Stjórnmál
Dísa leiðir Eyjalistann
Fréttir
Kvenfélagið Líkn færði HSU veglega gjöf
Vinnslustöðin
Loðnan tengir saman Vestmannaeyjar og Japan
Úr blaði Eyjafrétta
Listir og menning í Framhaldsskóla Vestmannaeyja
Fréttaskýring
Lestur ársreiknings bæjarins gefur allt aðra mynd
Áhugavert
Ísólfur Gylfi – 42 ár frá Helliseyjarslysinu
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.