Fyrsti hluti Sköpunarhússins, sem sett var á laggirnar fyrr á þessu ári, verður áfram opið í sumar fyrir ungmenni á aldrinum 13–20 ára. Markmiðið með Sköpunarhúsinu er að skapa vettvang fyrir ungt fólk til að þróa tónlistaráhuga sinn, prófa sig áfram í upptökum og kynnast tónlistarvinnslu í skapandi og öruggu umhverfi.

Sköpunarhúsið sem staðsett er í Féló verður opið frá mánudegi til fimmtudags á milli klukkan 16:00 og 20:00 í sumar.

Í framtíðinni er stefnt að því að tengja fleiri greinar sköpunar við Sköpunarhúsið, svo sem myndlist, myndbandsgerð, grafík og hönnun. Með því verður skapaður vettvangur þar sem hægt verður að fullklára verkefni og bæta aðgengi fyrir upprennandi listamenn í sem fjölbreyttustum listgreinum. Fjölskyldu- og tómstundaráð Vestmannaeyja skipaði árið 2023 starfshóp vegna sköpunarhúss. Í hópnum sitja Gísli Stefánsson, Hildur Rún Róbertsdóttir, Heba Rún Þórðardóttir, Erna Georgsdóttir og Arnar Júlíusson.

Þeir sem hafa áhuga geta einfaldlega mætt á opnunartíma og kynnt sér aðstöðuna og möguleikana sem þar eru í boði.