Upphaf skötuveislu sjómannadagsráðs að morgni sjómannadags má rekja til Árna Johnsen og Dóru konu hans sem í mörg ár buðu ráðinu og fleiri gestum til veislu að Höfðabóli.

Boðið var upp á skötu og saltfisk með öllu tilheyrandi og berjasúpu með rjóma á eftir. Hátíðlegra gat það ekki orðið. Nú er Árni fallinn frá og breyttar aðstæður kalla á ný úrræði.

Í nokkur ár hefur veislan verið haldin á veitingastaðnum Sælandi þar sem vertinn, Hallgrímur Rögnvaldsson og Ríkharður Zóega Stefánsson, sjómaður ársins að mati Tíguls sjá um matargerð og framreiðslu.

Þeim brást ekki bogalistin og var að venju mikið fjör í veislunni sem heppnaðist vel að venju.

Að skötuveslunni lokinni var komið við hjá hjá Kára á Kránni þar sem í boði var kaffi og koníak.

Myndir Óskar Pétur.