Meistaramót Golfklúbbs Vestmannaeyja fór fram dagana 8. – 11. júlí. 97 keppendur voru skráðir til leiks í tíu flokkum, sem er metþátttaka á mótinu. 

Örlygur Helgi Grímsson varð klúbbmeistari í karlaflokki í 17. sinn og setti hann nýtt mótsmet, á 13 undir pari. Hann varð einnig fyrsti kylfingurinn til að leika alla hringi mótsins á undir pari. 

Sóley Óskarsdóttir varð klúbbmeistari í kvennaflokki og vann sinn þriðja titil í röð. 

Eyjafréttir óskar þeim innilega til hamingju með titlana.