Herjólfur stefnir nú á að sigla eina ferð til Landeyjahafnar fyrir hádegi í dag vegna veðurskilyrða við Suðurland.

Brottför frá Vestmannaeyjum verður klukkan 7:00 og frá Landeyjahöfn klukkan 10:45.

Ferðir skipsins klukkan 8:15 og 9:30 falla hins vegar niður. Farþegar sem eiga bókað í þær ferðir eru beðnir um að hafa samband við skrifstofu Herjólfs til að færa bókanir sínar.

Fram kemur í tilkynningu skipafélagsins að næsta tilkynning um siglingar verði gefin út fyrir klukkan 11:00 í dag. Samkvæmt veðurspá er gert ráð fyrir að veðrið gangi niður þegar líða tekur á daginn.