Stefnt á að lagningu ljósleiðara ljúki í lok árs 2024

Á fundi bæjarstjórnar síðastliðinn fimmtudag, 25. febrúar, fór bæjarstjóri yfir minnisblað frá framkvæmdastjóra umhverfis- og framkvæmdasviðs og yfirmanni tölvudeildar um stöðu undirbúnings ljósleiðaraverkefnis í þéttbýli Vestmannaeyja.

„Verkfræðistofan Efla hefur annast hönnun og sérfræðiráðgjöf. Hafin er gagnasöfnin sem nýtast mun verkefninu. Þéttbýlishluti verkefnisins er ekki styrkhæfur og verður því fjármagnaður af hálfu sveitarfélagsins. Fjarskiptafyrirtæki hafa lýst áhuga á að vera með í verkefninu,“ segir í fundargerð bæjarstjórnar.

Verið er að skoða hvaða rekstrarform henti verkefninu best. Að mati lögfræðings sem Vestmannaeyjabær leitaði til eru þrír valmöguleikar í stöðunni:
a. Reksturinn verði hluti af starfsemi Vestmannaeyjabæjar.
b. Reksturinn verði í opinberu hlutafélagi ohf.
c. Reksturinn verði í einkahlutafélagi ehf

Við fyrstu sýn er það mat lögfræðings að heppilegast sé að starfrækja verkefnið í einkahlutafélagi ehf. Miðað við umfang verkefnisins er það mat hans að betur fari á því að reksturinn verði í sérstöku félagi þar sem yrði starfandi stjórn og framkvæmdastjóri.

Markmiðið er að byggja ljósleiðarakerfið þannig upp að það nýtist sem flestum og standist tímans tönn. Engar hindranir verða í kerfinu sem henta einni tækni betur en annarri. Um er að ræða opið netkerfi þar sem að þjónustuveitur geta keypt aðgang og boðið upp á rafræna þjónustu.

Gróf tímalína verkefnis (skilgreint fyrir hvern ársfjórðung) er sundurliðuð í eftirfarandi töflu, með fyrirvara um breytingar og ófyrirséð atvik sem hugsanlega koma upp á hönnunartíma.

Framkvæmdahraði fer eftir fjármögnun og niðurbroti verkhluta, þ.e. hvað er í raun hægt að vinna á mörgum stöðum í einu. Líklegt er að hægt verði að stytta framkvæmdatímann verulega, en ómögulegt er að segja til um hversu mikið fyrr en frumhönnun liggur fyrir.

Áætlun um heildarkostnað verkefnisins liggur ekki fyrir fyrr en eftir hönnun kerfisins. Gróflega áætlaður heildarkostnaður er á bilinu 500-600 m.kr.

Nýjustu fréttir

Áhugavert
Eyjasundinu flýtt vegna veðurs
Fréttaskýring
Þrjú álitaefni réðu úrslitum í vatnslagnarmálinu
Íþróttir
ÍBV vann Val í Goslokaleik
Myndband
Svipmyndir frá líflegum laugardegi á Goslokahátíð
Goslok
Goslok: dagskrá sunnudags
Áhugavert
Goslokahátíð stendur undir nafni sem fjölskydluhátíð
Goslok
Fjölbreytt mannlíf á öðrum degi Goslokahátíðar
Vestmannaeyjabær
Forsendur dómsins verða yfirfarnar
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.