Í frétt á vefnum vísir.is er fjallað um sýknudóm Sindra Þórs Sigríðarsonar Hilmarssonar af stefnu Ingólfs Þórarinssonar tónlistarmanns. Telur lögmaður Ingólfs að um tímamótadóm sé að ræða þar sem niðurstaðan staðfesti að segja megi hvað sem er um hvern sem er.

Ingólfur stefndi Sindra Þór vegna fimm ummæla sem sá síðarnefndi lét falla sumarið 2020. Ummælin tengjast öll meintum brotum Ingólfs gegn börnum og voru látin falla í kjölfar þess að aðgerðahópurinn Öfgar birti nafnlausar sögur um slík brot tónlistarmannsins. Ástæða birtinganna var meðal annars til að hvetja Þjóðhátíðarnefnd til að fjarlægja Ingólf úr stóru hlutverki í dagskrá Þjóðhátíðar, en til stóð að hann stýrði brekkusöng.

Enginn varð þó brekkusöngurinn eða Þjóðhátíðin það árið.