Sunna Jóns­dótt­ir, leikmaður ÍBV, hef­ur verið skipaður fyr­irliði ís­lenska kvenna­landsliðsins í hand­bolta. Hún tek­ur við fyr­irliðaband­inu af Rut Jóns­dótt­ur sem er í barneigna­leyfi.

RÚV greindi frá í gær. Ásamt Sunnu munu Þórey Rósa Stef­áns­dótt­ir og Sandra Erl­ings­dótt­ir mynda fyr­irliðat­eymi.

Sunna er 34 ára göm­ul og á 75 lands­leiki að baki. Í þeim hef­ur hún gert 56 mörk. Hún hef­ur leikið með ÍBV frá ár­inu 2018 en var þar á und­an í at­vinnu­mennsku í Nor­egi og Svíþjóð.

Ísland leik­ur við Lúx­em­borg í dag og gegn Fær­eyj­um á úti­velli á sunnu­dag í fyrstu leikj­um liðsins í undan­keppni EM sem fram fer á næsta ári. Eft­ir það tek­ur við loka­mót HM.

Þjálfarateymi A landsliðs kvenna hefur valið þá 16 leikmenn sem mæta Lúxemborg í dag í fyrstu viðureign íslenska liðsins í undankeppni EM 2024. Leikurinn fer fram að Ásvöllum og hefst hann kl. 19:30. Frítt er inn í boði Boozt og verður leikurinn einnig í beinni á RúV 2.

Fjölmennum á Ásvelli og styðjum stelpurnar okkar!

Leikmannahópurinn gegn Lúxemborg er þannig skipaður:
Markverðir:
Elín Jóna Þorsteinsdóttir, EH Aalborg (43/1)
Hafdís Renötudóttir, Valur (44/2)
Aðrir leikmenn:
Andrea Jacobsen, Silkeborg-Voel (39/58)
Berglind Þorsteinsdóttir, Fram (10/5)
Díana Dögg Magnúsdóttir, BSV Sachsen Zwickau (38/43)
Elín Klara Þorkelsdóttir, Haukar (6/5)
Elín Rósa Magnúsdóttir, Valur (3/10)
Hildigunnur Einarsdóttir, Valur (94/103)
Jóhanna Margrét Sigurðardóttir, Skara HF (5/7)
Katrín Tinna Jensdóttir, Skara HF (10/2)
Lilja Ágústsdóttir, Valur (8/2)
Perla Ruth Albertsdóttir, Selfoss (32/49)
Sandra Erlingsdóttir, TuS Metzingen (20/82)
Sunna Jónsdóttir, ÍBV (75/56)
Thea Imani Sturludóttir, Valur (62/114)
Þórey Rósa Stefánsdóttir, Fram (121/352)