Menntabúðir fóru fram í Þekkingarsetrinu fyrr í þessum mánuði þar sem boðið var upp á fjölbreyttar kynningar fyrir kennara á öllum skólastigum. Menntabúðir, eða EduCamp, er skemmtileg og áhrifarík leið til starfsþróunar kennara og hafa verið í þróun hér á landi síðan 2012. Upprunalega módelið af EduCamp kemur frá Kólumbíu og er meginmarkmiðið óformleg jafningjafræðsla og efling tengslanets þátttakenda. Boðið var upp á fimm erindi að þessu sinni. Erla Stefánsdóttir frá Mixtúra kynnti skemmtileg tæki sem hægt er að nýta í kennslu, bæði fyrir leik-og grunnskóla. Auðbjörg Jóhannsdóttir fór yfir grunnatriði heimildaskráningar samkvæmt APA kerfinu. Guðbjörg Guðmannsdóttir fór yfir margvíslega