Í tilkynningu frá Dómsmálaráðuneytinu í gær kemur fram að könnun hjónavígsluskilyrða muni einungis fara fram hjá sýslumanni, frá og með 1 september næstkomandi.

Könnun hjónavígsluskilyrða, áður en hjónavígsla fer fram, verður nú ekki lengur á hendi presta eða forstöðumanna trú- og lífskoðunarfélaga og umboðsmanna þeirra og gildir einu hvort hjónaefni eiga lögheimili hér á landi eða ekki.

Vígsluheimildir presta og forstöðumanna trú- og lífsskoðunarfélaga og umboðsmanna þeirra verða óbreyttar, þannig að hjónaefni geta áfram valið hver framkvæmir hjónavígsluna, en þau þurfa að leita til sýslumanns fyrst til þess að kanna hvort hjónavígsluskilyrði séu uppfyllt.

Útgáfa könnunarvottorðs sýslumanns er forsenda þess að hjónavígsla megi fara fram.

Síðustu ár hefur þessu verkefni verið sinn, tímabundið, hjá Sýslumanninum í Vestmannaeyjum fyrir sakir metnað og dugnaðs starfsfólk embættisins, en með þessu er verið að festa verkefnið í sessi. Enda hefur nú sérhæfing og reynsla skapast á þessum vettvangi hjá embættinu í Vestmannaeyjum.