Brynjar Ólafsson, framkvæmdastjóri umhverfis- og framkvæmdasviðs Vestmannaeyjabæjar fór yfir stöðu framkvæmda á Hásteinsvelli á fundi framkvæmda- og hafnarráðs í vikunni. Fram kemur í fundargerðinni að búið sé að leggja gervigras og keyra sandi í völlinn. Tafir hafa verið á afhendingu innfylliefna frá framleiðanda þar sem verktaki hefur ekki tryggt afhendingu þeirra. Áætluð afhending er eftir 2 vikur.

Þá segir að uppsetning á búnaði fyrir vökvunarkerfið verði klárað í næstu viku. Framkvæmdir vegna tæknirýmis er á eftir áætlun og mikilvægt að hraða framkvæmdum eins og kostur er til að stytta framkvæmdatíma. Í niðurstöðu ráðsins egir að ráðið ítreki mikilvægi þess að taka völlinn í notkun sem fyrst.