Sigurvegari Vöruhúsdeildarinnar 2026 verður krýndur laugardaginn 28. mars upp í Höll þegar úrslitakvöld Pílufélags Vestmannaeyja fer fram.

Viðburðurinn verður sögulegur fyrir umfang sitt en leikirnir verða spilaðir uppá stóra sviðinu og varpa myndavélar nærmyndum af spjaldi og leikmönnum uppá sýningartjöldin. Einnig verða leikirnir í beinni á YouTube rás Pílufélagsins. Það er því óhætt að segja að um er að ræða stærsta píluviðburð í sögu Vestmannaeyja.

Spilaðir verða þrír leikir – tveir undanúrslitaleikir og að lokum úrslitaleikurinn sjálfur. Í undanúrslitum mætast Ágúst Gísli Helgason og Guðmundur Tómas Sigfússon og síðan Bjarni Heimir Kristinsson og Sindri Orrason.

Húsið opnar 18:00 og fyrsti leikurinn hefst klukkan 19:15. Vöruhúsið mun standa fyrir veitingasölu þar sem vængir og smáborgarar verða fáanlegir á meðan birgðir endast. Starfsfólk Hallarinnar mun að sjálfsögðu standa vaktina á barnum og passa uppá að enginn fari þyrstur heim.

Það er frítt inn og bestu borðin fara fyrst, svo um að gera að mæta tímanlega! Ekki láta þennan viðburð fram hjá þér fara, segir í tilkynningu Pílufélags Vestmannaeyja.