Íslandsmeistarar ÍBV byrjuðu titilvörnina með jafntefli gegn FH á útivelli í dag en lokatölur urðu 29:29 eftir að staðan í hálfleik hafði verið 15:17 fyrir ÍBV. ÍBV var yfir allan tímann í leiknum, náði m.a. fimm marka forystu í seinni hálfleik 17:22 en seinni hluti seinni hálfleiks var ekki nógu góður hjá ÍBV. FH-ingar nýttu sér það, söxuðu á forskotið og lokamínúturnar voru æsispennandi. Eyjamenn voru í sókn þegar tæp mínúta var eftir og staðan jöfn 27:27 en Magnús Stefánsson kom Eyjamönnum yfir. FH-ingar jöfnuðu hins vegar þegar tíu sekúndur voru eftir. Eyjamenn fengu eina örsókn í lokin til að reyna komast aftur yfir en skot Agnars Smára Jónssonar í lokin fór framhjá.

Mörk ÍBV: Theodór Sigurbjörnsson 8, Einar Sverrisson 5, Grétar �?ór Eyþórsson 5/1, Agnar Smári Jónsson 4, Magnús Stefánsson 4, Guðni Ingvarsson 2, Andri Heimir Friðriksson 1.

Varin skot: Kolbeinn Arnarson 7/1, Haukur Jónsson 3.