Á fundi bæjarráðs í gær var tekið fyrir bréf frá stjórn Þekkingarsetursins vegna geymslu í eigu Vestmannaeyjabæjar sem Setrið hefur haft afnot af sl. fimm ár. Kom fram að Vestmannaeyjabær ætlaði að nýta geymsluna til eigin nota og fór fram á það við ÞSV að geymslan verði tæmd og afhent Vestmannaeyjabæ. Í framhaldi óskaði Þekkingarsetrið eftir því að hafa afnot af geymslunni áfram.

Bæjarráð fól bæjarstjóra, framkvæmdastjóra stjórnsýslu- og fjármálasviðs og framkvæmdastjóra umhverfis og framkvæmdasviðs að hafa samband við stjórn ÞSV og fylgja eftir því sem rætt var á fundi ráðsins sem meðal annars felst í því að gerður verði leigusamningur um geymsluna við Þekkingarsetrið ef samkomulag næst þar um.