Það sem bæjarstjórn ræddi ekki
Bæjarstjórn Vestmannaeyja. Eyjafréttir/Eyjar.net: Óskar P. Friðriksson

Bæjarstjórn Vestmannaeyja er æðsta vald Vestmannaeyjabæjar. Þar sitja níu kjörnir fulltrúar. Í gær var fyrsti fundur bæjarstjórnar á árinu. Fyrsti fundur síðan síðasta hækkun HS Veitna gekk yfir bæjarbúa.

HS Veitur hafa í tvígang – með skömmu millibili – hækkað gjaldskrá sína á íbúa í Vestmannaeyjum. Auk þess lækkaði hitastigið á vatninu. Fyrirtækið nýtur þeirra forréttinda að sitja eitt að því að selja Eyjamönnum heitt vatn.

Eignarhlutir í HS Veitum hf. skiptast á eftirfarandi hátt: Reykjanesbær 50.1%, HSV eignarhaldsfélag slhf. 49,8% og Suðurnesjabær  0,10%. Áður átti Vestmannaeyjabær tæplega þriðjungshlut í fyrirtækinu sem seldur var fyrir á fjórða milljarð árið 2007.

Varaði við því sem nú hefur gerst

Á þeim tíma þótti það umdeilt hvort selja ætti slíka innviði hjá bæjarfélaginu. Sigurður Vilhelmsson skrifaði merkilega grein sem ég rakst á í googli mínu um málið. Greinin er skrifuð á Eyjar.net í september 2007. Þar sagði m.a.:

„Reynslan af einkavæðingu orkufyrirtækjanna í nágrannalöndum okkar hefur líka sýnt að alls staðar hækkar verðið og þjónustan versnar. Þar verða litlu svæðin einna verst úti. Þegar kemur að því að endurnýja vatnslögnina milli lands og Eyja, verður einhver sem hefur áhuga á því annar en við Eyjamenn? Fari hún í sundur, liggur eitthvað á að gera við? Verður það efst á forgangslistanum hjá Goldman Sachs, sem verða jú að fá viðunandi ávöxtun af fjárfestingunni sinni?

Getur hugsast að Vestmannaeyjabær muni standa frammi fyrir því eftir nokkur ár að þurfa að taka aftur yfir almenna veitustarfsemi í Eyjum, því hún skilar einfaldlega ekki nægum hagnaði á „frjálsa markaðnum“? Gæti verið að eftir nokkur ár þurfum við að stofna Bæjarveitur Vestmannaeyja til að sinna þeirri starfsemi sem skilar ekki nægum arði til New York?

Þá gæti verið gott að eiga 3,5 milljarða inni á bók.“

Þetta eru sennilega margir bæjarbúar að hugsa í dag, þegar við erum undir hælnum á slíku fyrirtæki. Reyndar ber að taka fram að staða bæjarsjóðs var mjög bágborinn á þessum tíma og nýttust fjármunir af sölunni vel til þess m.a. að greiða upp óhagkvæm lán og efla uppbyggingu innviða.

Þurfa lögfræðiteymi og fulltrúa ráðuneytis með á fundi

Fram kom í máli Eyþórs Harðarsonar á fundi bæjarstjórnar í gær – í umræðu um tjón á vatnslögn – að fulltrúar Vestmannaeyjabæjar þyrftu að taka með sér lögfræðiteymi og fulltrúa ráðuneytis á fundi með forsvarsmönnum HS-Veitna.

HS Veitur hafa ekki gefið okkur raunverulega skýringu á hækkunum, aðeins vísað til raforkuskorts sem er svo ekki rökstutt frekar. Olíuverð hefur ekki hækkað sem neinu nemur síðustu mánuði svo erfitt er að finna rökstuðning þar.

Bæjarráð hafði áður fjallað aðeins um málið, en þar situr aðeins þriðjungur bæjarfulltrúa.

Merkilegast þótti mér að kjörnir fulltrúar sem funduðu í gær, þótti ekki ástæða til að taka – þessar gengdarlausu og illa rökstuddu hækkanir upp – á æðsta stigi bæjarins. Eftir því biðu margir bæjarbúar!

 

Tryggvi Már Sæmundsson

Höfundur er ritstjóri Eyjar.net.

https://eyjar.net/2007-09-24-eru-baejarveitur-vestmannaeyja-framtidin/

https://eyjar.net/fundur-baejarstjornar-i-beinni-8/

Nýjustu fréttir

Stjórnmál
Íris ætlar að ganga í Sjálfstæðisflokkinn
Íþróttir
Arnór með fimm mörk í jafntefli Karlskrona
Stjórnmál
Rannveig Ís­fjörð sækist eftir 4. sæti í prófkjöri Sjálfstæðisflokksins
Sjávarútvegur
Systurskipin landa fullfermi
Áhugavert
Golfvöllurinn í Eyjum tilnefndur til alþjóðlegra verðlauna
Stjórnmál
Aníta sækist eftir 2. sæti í prófkjöri Sjálfstæðisflokksins
Stjórnmál
Enginn úr núverandi meirihluta gefur kost á sér áfram
Fréttir
Síðasti séns! Taktu þátt í að móta menningarstefnu Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.