Fimmtudagskvöldið í Eldheimum á Goslokahátíðinni verður tileinkað vinsælum lögum frá Eyjum og sömuleiðis lögum annars staðar frá sem nutu vinsælda allt frá tímum Surtseyjargossins og fram yfir Goslokin 1973.

Unnur Ólafsdóttir, Júlíanna S. Andersen, Þórarinn Ólason og Magnús R. Einarsson verða söngvarar kvöldsins. Kristinn Jónsson og Sigurmundur G. Einarsson sjá um undirleik ásamt Magnúsi. En sérstakur gestur þetta fimmtudagskvöld verður Þórir Baldursson sem leikur á Hammond orgel.

Þórir er einn af okkar snjöllustu tónlistarmönnum og einstakur heiður að fá hann til liðs við tónleikana á Goslokahátíðinni. Tónleikarnir hefjast 20:30, húsið verður opnað 20:00. Takmarkað sætaframboð, en aðgangur kostar aðeins 4,900kr.