„Þetta gengur ágætlega núna og tæp vika síðan skipið var dregið frá Póllandi til Danmerkur,“ sagði Viðar Sigurjónsson þegar hann var spurður hvernig smíðin á Þórunni Sveinsdóttur gengi. „Danir eru að setja rafmagn, tæki og búnað um borð í skipið og við reiknum með að Þórunn verði komin heim í endaðan nóvember. Skrokkurinn var smíðaður í Gdansk í Póllandi en það hefur gegnið á ýmsu hjá okkur. Við stoppuðum í tvo mánuði út af banka­hruninu og svo aftur í tvo mánuði þegar skipasmíðastöðin fór á hausinn.“