Á fundi umhverfis- og skipulagsráðs í liðinni vikur var tekin til afgreiðslu tillögur umferðarhóps sem fundaði um miðjan síðasta mánuð. Þrjú mál voru á dagskrá sem hafði verið vísað til ráðsins frá umhverfis- og skipulagsráði:

1. Einstefna Bárustígs og Skólavegs milli Tangagötu og Strandvegs.
2. Umferð við Vigtartorg. Tilraunaverkefni einstefnu frá Tangagötu að Básaskersbryggju.
3. Umferðaröryggi á sumartíma.

Hópnum líst vel á einstefnu milli Tangagötu og Strandvegs við Bárustíg og Skólaveg. Hópurinn leggur einnig til að einstefna verði um Hilmisgötu frá bílastæði við Arnardragna að Vestmannabraut til að auka umferðaröryggi á svæðinu. Hópurinn mælir þó ekki með einstefnu frá Tangagötu að Básaskersbryggju og mælir með að rútustæði verði við timburgangstétt vestan við FES og við Tangagötu norðan Ægistgötu 2. og þaðan sem er austar á Tangagötu.

Til að bæta umferðaröryggi leggur hópurinn einnig til að þrengja við gangbrautir staðsettar við Vallargötu 4A, sunnan við Landakirkju á Kirkjuvegi, við Skólaveg 45 og milli Bessahrauns 22 og 24. Að lokum leggur hópurinn til að kláraður verður göngustígur frá Illugagötu að Íþróttamiðstöð yfir bílastæðin með gangbraut.

Umhverfis- og skipulagsráð samþykkti tillögur umferðarhóps og var framkvæmdastjóra umhverfis- og framkvæmdasviðs falinn framgangur málsins. Fundargerð umferðarhóps má finna hér.