Tíundubekkingar standa vaktina í skammdeginu
Ljósmynd/úr safni

Nemendur 10. bekkjar í Grunnskóla Vestmannaeyja taka sér stöðu við þrjár fjölfarnar gangbrautir frá og með mánudeginum 2. nóvember. Markmiðið er að auka öryggi yngri nemenda á leið í skólann í morgunmyrkrinu.

Þetta er í áttunda sinn sem tíundubekkingar í GRV sinna gangbrautavörslu. Verkefnið stendur út febrúar 2027 og verða nemendurnir við gangbrautir á Skólavegi, á Kirkjuvegi við Vallargötu og við Hraunbúðir.

Gangbrautaverðirnir klæðast gulum vestum og aðstoða yngri nemendur við að komast yfir göturnar. Lögreglan í Vestmannaeyjum heldur jafnframt áfram venjubundnu eftirliti við skólana og verður nemendum innan handar eftir þörfum.

Í sameiginlegri fréttatilkynningu GRV og Landsbankans kemur fram að verkefnið efli samfélagsvitund og samkennd og gefi nemendum tækifæri til að taka þátt í samfélagsmálum á ábyrgan hátt.

Landsbankinn styður verkefnið líkt og undanfarin ár með styrk í ferðasjóð 10. bekkjar og útvegar vesti fyrir gangbrautaverðina. Í tilkynningunni færir skólinn bankanum og Jóni Óskari Þórhallssyni, útibússtjóra í Vestmannaeyjum, þakkir fyrir samstarfið.

Nýjustu fréttir

Frá briminu upp yfir bæinn – myndband
Eyjamenn vilja komast aftur á sigurbraut gegn Fram
Fjárlög 2027 með augum Sunnlendinga
Ráðherra þurfi að skýra hvernig lögreglan verði efld
ÍBV úr leik í Powerade bikarnum eftir tap gegn Stjörnunni
Vestmannaey og Bergey landa í Neskaupstað eftir erfiðar veiðiferðir
Ísfélagið veiddi tæp 18.000 tonn af norsk-íslenskri síld
Fiskur fjórum sinnum í viku á Breka VE
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.