Tjónið umfram tryggingabætur
DSC_0003_vatnslogn_logd
Ljóst er að tjónið er umfram hámark vátryggingabóta og mun bærinn leitast við að sækja frekari bótagreiðslur til útgerðarinnar. Eyjar.net/Óskar Pétur Friðriksson

Í skýringum í ársreikningi Vestmannaeyjabæjar fyrir árið 2023 er komið inn á tjón sem varð á neysluvatnslögn í hafnarmynni Vestmannaeyjahafnar. Fyrri umræða reikningsins fór fram í gær. 

Viðurkenna bótaskyldu að tilteknu lögbundnu hámarki

Fram kemur í skýringunum að ljóst þyki að það tjón sem varð á kaldavatnslögninni sem sér sveitarfélaginu fyrir köldu vatni, er akkeri Hugins VE festist í leiðslunni í nóvember 2023 var verulegt.

Sjópróf hafa verið kláruð og vátryggingafélag útgerðarinnar hefur viðurkennt bótaskyldu að tilteknu lögbundnu hámarki og koma bætur til greiðslu á árinu 2024.  

Ljóst er að tjónið er umfram hámark vátryggingabóta og mun bærinn leitast við að sækja frekari bótagreiðslur til útgerðarinnar til að tryggja skaðleysi eftir því sem hægt er.  

Ekki er gert ráð fyrir því að tjón á vatnslögninni hafi áhrif á fjárfestingargetu bæjarins á árinu 2024 ef tjónið verður bætt að fullu, segir í ársreikningi bæjarins. Í framsögu Írisar Róbertsdóttur, bæjarstjóra kom fram varðandi ofangreinda skýringu að hún gæti tekið breytingum í seinni umræðu um reikninginn sem verður í apríl. Vegna þessa reyndist ekki unnt að senda Eyjar.net upplýsingar um fjárhæð vátryggingabóta, þegar eftir því var leitað.

Úttekt á rekstri vatnsveitunnar

Bæjarstjórn tók málið fyrir í gær. Þar kom fram að fulltrúar Vestmannaeyjabæjar hafi verið í samtali við innviðaráðuneytið varðandi viljayfirlýsingu milli Vestmannaeyjabæjar og HS Veitna. Aðilar funduðu í vikunni og fóru yfir drög að viljayfirlýsingu sem snýr að viðbrögðum við tjóninu á vatnslögninni, lagningu nýrrar vatnsleiðslu í samráði við HS Veitur og frekari framtíðarsýn fyrir vatnsveituna. Vestmannaeyjabær hefur fengið Garðar Jónsson ráðgjafa til að taka út rekstur vatnsveitunnar og er sú vinna hafin.

Ríkið hefur skrifað undir viljayfirlýsingu um að koma að nýrri vatnslögn. Vatnsgjöld á íbúa í Vestmannaeyjum eru mjög há og mikilvægt að bregðast við því. Gjaldskrá vatnsveitunnar í Eyjum er margfalt hærri en á Suðurnesjum þrátt fyrir að um sama eiganda veitnanna sé að ræða. 

Tvær afgreiðslutillögur samþykktar

Í kjölfarið var samþykkt samhljóða afgreiðslutillaga þar sem segir að tjón sem varð á vatnslögninni í nóvember 2023 sé verulegt. Vátryggingafélag útgerðarinnar hefur viðurkennt bótaskyldu að tilteknu lögbundnu hámarki og koma bætur til greiðslu á árinu 2024. Ljóst er að tjónið er umfram hámark vátryggingabóta. Bæjarstjórn samþykkir að leitast við, í samstarfi við  HS Veitur, eiganda vatnsveitunnar, að sækja frekari bótagreiðslur til útgerðarinnar til að tryggja skaðleysi íbúa Vestmannaeyjabæjar vegna tjónsins.

Í annari afgreiðslutillögu sem einnig var samþykkt með átta samhljóða atkvæðum segir að bæjarstjórn feli bæjarráði að ganga frá viljayfirlýsingu við HS Veitur byggða á drögum sem liggja fyrir frá innviðaráðuneytinu og snúa að áframhaldandi vinnu vegna tjóns á vatnslögninni, lagningu nýrrar vatnsleiðslu í samráði við HS Veitur og frekari framtíðarsýn fyrir vatnsveituna. Mikilvægt er að vinnan gangi hratt og vel.

https://eyjar.net/vatnslognin-skemmd-harma-atvikid/

https://eyjar.net/mjog-mikid-og-alvarlegt-tjon/

Nýjustu fréttir

Stjórnmál
Íris ætlar að ganga í Sjálfstæðisflokkinn
Íþróttir
Arnór með fimm mörk í jafntefli Karlskrona
Stjórnmál
Rannveig Ís­fjörð sækist eftir 4. sæti í prófkjöri Sjálfstæðisflokksins
Sjávarútvegur
Systurskipin landa fullfermi
Áhugavert
Golfvöllurinn í Eyjum tilnefndur til alþjóðlegra verðlauna
Stjórnmál
Aníta sækist eftir 2. sæti í prófkjöri Sjálfstæðisflokksins
Stjórnmál
Enginn úr núverandi meirihluta gefur kost á sér áfram
Fréttir
Síðasti séns! Taktu þátt í að móta menningarstefnu Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.