Það var brugðið út af vananum, eins og stundum er gert, í hádegishléi starfsfólks í fiskvinnslu Vinnslustöðvarinnar í dag. Boðið var upp á saltfiskrétti að portúgölskum hætti​. Slíkt var einnig gert ​síðastliðið vor og heppnaðist þá afar vel.​ Það tókst ekki síður vel til núna​. ​Maturinn frábær og góð stemning.​

Um matargerðina sáu þær Carlota Teigas (Carla) og ​Susana Sequeira eins og í vor. Svo skemmtilega vill til að Carla á einmitt afmæli í dag og sendum við henni hamingjuóskir, segir í frétt á vefsíðu Vinnslustöðvarinnar.

Boðið var upp á Punheta de Bacalhau, sem er marineraður saltfiskur og Bacalhau com natas, sem er ofnbakaður saltfiskur í rjómasósu. Í eftirrétt var svo afar góð ostaterta sem einnig á uppruna í Portúgal.​ Við þökkum Cörlu og Susönu fyrir enn og aftur​, segir í umfjölluninni og er áhugasömum bent á að leita á netinu að nöfnum réttanna til að fá uppskriftir og leiðbeiningar um matreiðslu þeirra.

Fleiri myndir frá veislunni má sjá hér.