Eyjamenn töpuðu í kvöld dýrmætum stigum í toppbaráttu Lengjudeildarinnar er liðið gerði jafntefli á heimavelli gegn ÍR. ÍBV komst yfir í leiknum þegar Viggó Val­geirs­son skoraði í fyrri hálfleik. Á 60. mín­útu fékk Jordi­an Fara­hani rautt spjald og ÍR-ingar manni færri það sem eftir lifði leiks.

Tóm­as Bent Magnús­son kom ÍBV í 2:0 á 65. mín­útu en ÍR-ingar minnkuðu muninn þegar 10 mínútur voru til leiksloka. 8 mínútum síðar jöfnuðu ÍR-ingar. Eyjamenn misnotuðu svo vítaspyrnu á lokaandartökum leiksins og þar við sat. Lokatölur 2-2 á Hásteinsvelli. Stigið sem ÍBV fékk í kvöld þýðir að liðið jafnar um stundarsakir a.m.k. topplið Fjölnis sem nú leikur gegn Njarðvík.