Í æfingasalnum er hann leiðtogi þegar hann stýrir æfingum, en ekki síður þegar hann stýrir sínum eigin æfingum og áskorunum. Gísli Hjartarson tók á sig mikla líkamlega áskorun um síðustu helgi þar sem hann stundaði æfingar í 24 klukkustundir samfleytt og án hvíldar. Hann skiptist á að æfa á þremur tækjum; vindhjóli, róðravél og skíðavél.

Margir lögðu leið sína í æfingasalinn og tóku nokkra hringi með honum á tækjunum. En enginn kemst með tærnar þar sem hann hefur hælana. Þessa áskorun tók hann ekki á sig bara að gamni sínu, heldur var markmiðið að safna í styrktarsjóð Píeta samtakanna. Það eru samtök sem vinna gegn sjálfsskaða og sjálfsvígum. Verkefnið er verðugt og Gísli er Eyjamaðurinn að þessu sinni.

Eyjamaðurinn er Gísli Hjartarson, oft kallaður Gilli Foster. Sjá Eyjafréttir sem kemur út á miðvikudaginn.