Lögreglan hafði í ýmis horn að líta í vikunni sem leið við að aðstoða borgarana við hin ýmsu mál sem upp komu. Tvö fíkniefnamál komu upp um helgina og var í öðru tilvikinu um að ræða grun um sölu á fíkniefnum en við húsleit í heimahúsi fundust um 50 gr. af amfetamíni sem karlmaður á 18. ári viðurkenndi að eiga og hafi ætlað til sölu. Þá var kvenmaður um tvítugt handtekinn á Vestmannaeyjaflugvelli þegar hún sótti þangað pakka sem í reyndist vera lítilræði af kannabisefnum.