Undankeppni hönnunarkeppninnar Stíls fer fram á sviði Leikfélags Vestmannaeyja á morgun, 5. mars, klukkan 17.30. Þema keppninnar í ár er „Á tímum Viktoríu“ og munu þátttakendur sýna hönnun sem sækir innblástur í tískustíl þess tímabils.

Aðgangur að viðburðinum er ókeypis og eru allir velkomnir að mæta og fylgjast með

Sigurlið undankeppninnar tryggir sér sæti í lokakeppninni sem fram fer laugardaginn 14. mars í Digranesi í Kópavogi. Þar munu fulltrúar félagsmiðstöðva víðs vegar af landinu etja kappi.

Hönnunarkeppnin Stíll er haldin á vegum Samfés og er ætluð ungmennum í 8. til 10. bekk.