Guðrún Hallgrímsdóttir matvælaverkfræðingur hélt skemmtilegt hádegiserindi í Sagnheimum sl. fimmtudag. Benti hún m.a. á ýmsar matarholur sem leynast í nágrenni okkar, t.d. hvernig útbúa má girnilegt snakk á auðveldan hátt úr blöðruþangi. Ýmsar fleiri uppskriftir var hún með í pokahorninu, t.d. úr mismunandi gerðum þangs, fjörugrösum, sölvum og skeldýrum.

Uppskriftirnar má nálgast í afgreiðslu Sagnheima.

I lok erindisins kom Guðrún með uppskrift af jólasaltfiskrétti frá Suður – Frakklandi. Hvernig væri að breyta einu sinni til og bjóða upp á einn slíkan?

Uppskriftina má sjá hér að neðan:

Hitið 2/3 af olíunni í potti, setjið fiskinn beinhreinsaðan í litlum bitum út í og hreyfið stöðugt með sleif. �?egar fiskurinn er orðinn vel brúnaður er afganginum af olíunni og rjómanum bætt útí, hitinn lækkaður og hrært vel í þar til maukið er orðið fallega hvítt og líkist kartöflustöppu. Merjið hvítlaukinn og hrærið saman við, saltið og piprið að smekk. Setjið fiskstöppuna á blöðin (sem áður hefur verið dýft í sjóðandi vatn í 2-3 mín) eða á pönnukökurnar og brjótið saman eins og umslag. Berið með þessu kartöflustöppu og olivíuolíu.

sagnheimar.is