Úrslitakeppnin hjá ÍBV stelpunum hefst í kvöld þegar liðin í sætum þrjú til sex mætast í útsláttarkeppni um sæti í undanúrslitum gegn liðunum í efstu tveimur sætunum. Andstæðingar ÍBV eru ÍR stelpur sem komu á óvart í vetur og höfnuðu í 5. sæti deildarinnar. ÍR liðið er skipað ungum og öflugum leikmönnum sem hafa staðið sig vel í vetur. Liðin hafa mæst tvívegis á tímabilinu og hefur ÍBV liðið farið með sigur af hólmi í báðum viðureignum. Þau úrslit skipta þó ekki neinu máli þegar í úrslitakeppni er komið.

Það er óhætt að hvetja Eyjamenn til að fjölmenna á völlinn nú þegar skemmtilegasti tími ársins í handboltanum er genginn í garð. Flautað verður til leiks klukkan 18.00.