Varðandi Rakning c-19 appið, sýnatökur og fleira í Vestmannaeyjum
20200522 153258
Starfsstöð HSU í Vestmannaeyjum.

Undanfarið hafa margir íbúar í Eyjum fengið skilaboð í gegnum Rakning c-19 appið um mögulega útsetningu fyrir Covid-19 smiti. Í ljósi þessa langar okkur á heilsugæslunni í Vestmannaeyjum að koma eftirfarandi á framfæri.

Fyrst ber að nefna að Rakning c-19 appið er á vegum almannavarna og Embættis landlæknis og góðar upplýsingar er að finna inn á covid.is síðunni um virkni þess. Þetta er tiltölulega nýtt tæki og ekki mikil reynsla komin á notkun þess.

Eins og þekkt er þá eru smit í samfélaginu um allt land og margir utan sóttkvíar að greinast. Það þarf því ekki að koma á óvart að smitaðir einstaklingar séu á ferðinni í samfélaginu og þeir síðan að greinast, t.d. eftir að einkenni koma upp. Ef sá smitaði er með rakningarappið virkt og gefur leyfi getur smitrakningarteymið látið senda skilaboð í alla síma, sem eru með appið virkt og hafa komist í ákveðna nálægð við síma hins smitaða á ákveðnu tímabili, um mögulega útsetningu fyrir Covid-19 .

Við höfum fundið fyrir því í fyrirspurnum og sýnatökum hjá okkur síðustu dagana að einstaklingar hafa verið að fá svona skilaboð og mörgum er eðlilega brugðið. Þeir einstaklingar sem fá þessi skilaboð eru þó ekki formlega skipaðir í sóttkví. Þeim er samt ráðlagt að fara sérstaklega varlega dagana á eftir, forðast að hitta viðkvæma hópa og aldraða, passa sérstaklega upp á persónulegar sóttvarnir og fara í sýnatöku ef einkenni koma upp. Ef viðkomandi telur sig mögulega hafa verið útsettan fyrir smiti er hægt að skrá sig í svokallaða smitgát gegnum appið til að fá strikamerki til að koma í sýnatöku sjö dögum frá útsetningu . Við mælum ekki með að einkennalaust fólk mæti fyrr í sýnatöku þar sem neikvætt próf of snemma getur gefið falskt öryggi.

Sýnatökur almennt:
Við mælum ekki með að einkennalaust fólk sem ekki hefur verið útsett fyrir Covid-19 mæti í einkennasýnatökur, enda ekki verið að skima almennt í samfélaginu. Hvergi er líklegra að vera í nálægð við smitaða einstaklinga en í röðinni á leið í sýnatöku. Ef einstaklingar þurfa að komast í sýnatökur af öðrum ástæðum en einkennum skal hafa samband við Heilsugæsluna. Ferðamenn sem þurfa vottorð er bent á travel.covid.is þar sem fram koma allar upplýsingar um vottorðasýnatökur.

Nýjustu fréttir

Stjórnmál
Spurt og svarað: Erlingur frá Eyjalistanum
Íþróttir
Sandra náði áfanga með íslenska landsliðinu
Sjávarútvegur
Með fullfermi eftir örstutta túra
Fréttir
Friðrik Dór mætir á Þjóðhátíð
Fréttaskýring
Vestmannaeyjar í gegnum linsu liðins tíma
Aðsent
40 ára aldursmunur á vinningshöfum
Aðsend grein
Hvert viljum við stefna?
Stjórnmál
Margrét Rós: „Ég er hvorki í fýlu né lít á mig sem tapara“
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.