Vekja athygli á mjög slæmri veðurspá
13. mars, 2015
Lögreglan í Vestmannaeyjum og Almannavarnadeild ríkislögreglustjóra vilja vekja athygli á mjög slæmri veðurspá en tvær mjög krappar lægðir ganga yfir landið í dag og á morgun.
Veðurspáin verður uppfærð reglulega og vill lögreglan beina því til fólks að fylgjast vel með veðurspám og fréttum í fjölmiðlum.
Vatnsveður og stormur
Almannavarnadeild ríkislögreglustjóra vill vekja athygli á að búist er við tveimur kröppum lægðum upp að landinu frá föstudagsmorgni fram á laugardagskvöld samkvæmt spá Veðurstofunnar. Spáð er suðaustan stormi eða roki á morgun (SA 20-25 m/s) en sunnan roki eða ofsaveðri á laugardag (S 25-30 m/s). Mikið vatnsveður fylgir þessum lægðum og hefur verið gefin út sérstök viðvörun þess efnis.
Miðað við þessa veðurspá verður lítið ferðaveður á landinu S- og V-verðu á morgun, bæði vegna veðurhæðar og úrkomu. Á laugardag er ekkert ferðaveður um allt land fram á kvöld.
Viðvörun
Búist er við stormi eða roki, meðalvindhraða 20-25 m/s, víða á landinu á morgun, föstudag. �?tlit er fyrir ofsaveður um vestanvert landið á laugardag, en stormi eða roki austantil.
Varað er við mikilli úrkomu og leysingum á Suðaustur- og Suðurlandi á morgun, en um allt land á laugardag. �?ar sem mikill nýlega fallinn snjór er víða um land má búast við vatnsflóðum, krapaflóðum og aurflóðum í þessum aðstæðum sem geta skapast á nokkurra ára fresti. Einnig ber að hafa í huga hættuna á votum snjóflóðum.
Veðurspáin fyrir morgundaginn, 13. mars er svohljóðandi:
Vaxandi suðaustanátt með morgninum, 18-25 m/s S- og V-til síðdegis, en 15-23 A-lands annað kvöld. Slydda og síðar rigning, þar af talsverð eða mikil um landið S-vert. Dregur úr vindi og úrkomu annað kvöld, fyrst fyrir vestan. Hlýnar seinni partinn, hiti 3 til 8 stig annað kvöld.
Athugasemdir veðurfræðings:
Í kvöld er búist við stormi (meðalvindur yfir 20 m/s) syðst, en víða um land á morgun. Búist er við mikilli úrkomu S- og SA-lands næstu tvo daga. Á laugardaginn er von á enn verra veðri á öllu landinu, frá laugardagsmorgni þar til síðdegis. Ferðalög á milli landshluta geta því verið varasöm.
Nánari upplýsingar er að finna á vefsíðu Veðurstofunnar www.vedur.is
Mest lesið
viðburðir
Fylgstu með

Skráðu þig á fáðu nýjustu tilkynningar fyrst